احلى نكت على الزمالك

- واحد اشتري عربيه ملاكي خاف عليها من الحسد كتب عليها ملاكي الزمالك

واحد زملكاوي بيشاور لتاكسي بيقله 6 اكتوبر يا اسطه قاله لا 6_1

واحد زملكاوي بيشاور لتاكسي بيقله ميدان التحرير قاله لا بيبو وبشير

واحد زملكاوى طلع له عفريت فى الفانوس السحرى وقال له شبيك لبيك عبدك بين ايديك قال انا عايز اشوف المرحوم ابويا العفريت قاله ده طلب صعب جدا اطلب حاجه تانيه قال له عايزين نفوز على الاهلى العفريت قاله انت ابوك مات سنة كام

واحد زملكاوى ليلة زفافه فى غرفة النوم
العروسة للعريس : قبل ماتلمسنى احلف انك مش الراجل الاول فى حياتى
العريس الزملكاوى رفع ايديه للسما وقال
هو يارب المركز التانى ده ورايا ورايا

مره واحد زملكاوى راح إشترى بطيخه .. فطلعت حمرا.. راح مرجعها

مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو

مره واحد زملكاوى حب يتجوز واحده اهلاويه جابوا المأذون من ايطاليا

واحد زملكاوى متعصب خطب واحدة بيسالها عن عيد ميلادها قالت له 6\1 فسخ الخطوبة

اهلاوى اتجوز زملكاوية ستتها ..............

واحد زملكاوى بيوقف تاكسى فسواق التاكسى بيقوله رايح فين
قالو الزملكاوى ابو العلا سواق التاكسى قاله لا ابوتريكة...

مرة واحد اهلاوى....وواحد زملكاوى...كانوا الاتنين جيران ...سكنين فى بيت واحد....
الاهلاوى ساكن فى الدور الارضى....والزملكاوى فى الدور التانى............
فكل اما الزملكاوى ييجى طالع...الاهلاوى يقول مين اللى طالع......
الزملكاوى يقول انا الزملكاوى......يقوله الاهلاوى غلبناكم ستة واحد 6/1
الزملكاوى ييجى نازل.......يقول الاهلاوى مين اللى نازل......
الزملكاوى يقول انا الزملكاوى.....يقوله الاهلاوى غلبناكم ستة واحد6/1
مرة فى مرة فى مرة زهئ الزملكاوى وقال كدة مش هينفع لازم اشوف حل.........
راح لاتحاد الكورة.............وحكلهم على الموضوع...المهم عمله اجتماع.....
واتفقوا .....ان الزملكاوىيسكن ارضى...والاهلاوى يسكن دور تانى.....فأتفقوا ووافقوا.....
وفى يوم الاهلاوى طالع.........قال الزملكاوى مين اللى طالع...
رد الاهلاوىوقال مين اللى بيتكلم........قاله انا الزملكاوى......
قالهه برده غلبناكم ستة واحد.......................

مره بيسألو سوق التاكسى ايه الفرق بين التاكسى والزمالك قال السواق التاكسى غلبان بيشل 4ركاب اما الزمالك بيشيل 6

اهلاوى دخل على زمالكاوى المستشفى لقى انه تعبان خالص قاله معلش ياصحبى سته وتزول

مرة واحد قابل واحد قالة كام بيروح فين .... قالة 6 بيروح ميت عقبة

هههههههههههههههههههههه

ارجو من الزمالكويه مش يزعلوا

تحياتى ;-)

anta kda ptl3p fe 3dad 3omrk ya mOoOoODy 3rf leh 3lshan SpArKeS lw shaf el nokt deh msh hynzlk mn ptkoo

عيب عليك مين ده بس Razz

:P

hhhhhhhhhhhhhhhhhhhhhhh
nokat gamda moooooooooooooz
tslam ya man

جامده وياريت نعرف راى الزملكاويه

شكرا على مروركم

هي نكت حلوة بس الاحلي ان انت تقول النكت دي... يبني انت صحيت من النوم ولقيت مش عارف مين مع مين ومين بيشجع مين ولقيت والدك اهلاوي قولت ابقي كمان اهلاوي ...

فعلا لا تنام أعين الجبناء ..

أنشر يا نجم ... ويجعله عامر Very Happy

تحياتي

يعنى انته عاوز تفهمنى ان انته قبل ما تتولد بتقول يا زمالك ههههههههههههههه مبردو لما صحيت لقيت ابوك زملكاوى رحت بقيت زملكاوى لول

اه يا مودي مع أحترام ليك انا زملكااااوي موووت ووالدي برضو زملكاوي موووت وعلشان اديك فكرة عن صيغه كلامي ....

تاريخ حياه نادي الزمالك ....

ظهرت الفكرة إلى حيز الوجود عام 1911.. وحمل النادي اسم (قصر النيل) لأنه كان يشغل مكان (كازينو النهر) الحالي بالجزيرة .. وفي عام 1913 انتقل النادي إلى مقر ثاني عند تقاطع شارع 26 يوليو ورمسيس الحاليين في مكان مباني (الشهر العقاري . ودار القضاء العالى ) وأطلقوا عليه وقتها اسم " المختلط ".

وقبل أن نستطرد في سرد تاريخ البداية والنشأة لنادى الزمالك لابد أن نتوقف عند عام 1910 .. وهو الذي سبق تكوين النادي بموسم واحد .. لكن هذا العام بالتحديد ظهرت خلاله فكرة إقامة هذا الصرح بعدما شعرت الجالية الاجنبيه في مصر _ غير البريطانيين _ أهمية وجود نادى رياضي اجتماعي يمارسون فيها نشاطهم حتى لا يظلون حيارى بين الأندية الأخرى التي كانت قائمه في هذا الوقت وهنا مغزى الوقفه .. لان نادى الزمالك عرف واشتهر بأنه نادى الجميع سواء البسطاء أو الأثرياء أو الطبقات المتوسطه . منذ إنشائه وحتى الآن ..

ونعود لبدايات النادي لنجد انه عندما كان اسمه " المختلط " عاصر الحرب العالمية الأولى في مقره الثاني برئاسة المحامى البلجيكي "مرزباخ" وسكرتارية مستر " شودوان " ثم مستر " بوشو " البلجيكيين أيضاء .. ثم السيد نقولا عرفجى المصري . وكان جناحا أيسر لفريق الكره بالنادي

بعد انتهاء ثورة 1919 . تمصر النادي تماما عام 1923 م برئاسة اللواء محمد حيدر باشا وسكرتارية السيد يوسف محمد .. وفي شتاء عام 1924 انتقل مقر النادي لثالث مره إلى الزمالك في المكان الموجود فيه مسرح البالون " حاليا " وفي عام 1940 .. تغير اسمه إلى نادى " فاروق الأول " عقب حصوله على الرعاية الملكية من ملك مصر والسودان السابق فاروق وبعد قيام ثورة الضباط الأحرار عام 1952 .. وإقصاء عهد الملكية حمل النادي اسمه الحالي " الزمالك " والذي يعود إلى اسم الحي الذي يقع فيه وفي عام 1959 انتقل النادي إلى مقره الحالي الذي يشغله في شارع 26 يوليو بمنطقة ميت عقبه .. على بعد 500 متر غرب كوبري الزمالك وهو يشغل مساحه تقدر ب35 فدانا . ويدير 24 لعبه رياضيه بجانب أنشطته المتعددة و التي سنتحدث عنها تباعا
هناك اعتقاد خاطىء عن نادى الزمالك يقول : ان نشأته الاجنبيه في أول عهده وتسميته بالنادي المختلط .. لا تضعه بين الأندية الوطنيه .. لكن الحقيقة عكس هذا الاعتقاد فكما هو ثابت بالوثائق .. فان المختلط كان يضم بين اعضائه مصريين واجانب . بل ان الشباب الوطنى قد اصبح له النفوذ الاكبر داخل المختلط والذى جعله فيما بعد يتصدى للاجانب . ليتحول الزمالك بعد ذالك إلى نادى مصرى خالص ..

ويذكرنا التاريخ بوقائع عن الدور الوطنى الذى لعبه نادى الزمالك ورجاله منذ بدايات القلعه البيضاء وإلى اليوم . فالمرحوم ابراهيم علامه "جهينه " مندوب المختلط عام 1915 .. في مجلس ادارة الاتحاد الرياضي يقف ضد اعضاء المجلس في ذالك الوقت ( ومعظمهم من الاجانب ويتحدثون الفرنسيه ) ويقول لهم : من انتم لتجلسوا على كراسى ادارة اتحاد الكره بمصر ؟ في اى بلد يوجد ذالك الوضع .. هل هو في بلد احدكم على الاقل ؟ وبعد ما قاله ابراهيم علام " جهينه " تم انهاء جلسة الاتحاد بعدما غضب الاعضاء الاجانب الذين رفضوا تدوين ما قاله الرجل .. الذى استبعدوه من الاتحاد .. ورفضوا حضوره لاية جلسات اخرى للاتحاد .. غير ان اللجنه الاوليمبيه المصريه فيما بعد قدرت موقف " جهينه " مندوب نادى الزمالك المختلط وكرمته تقديرا لموقفه باهدائه ميداليه تذكاريه ..

يذكرنا التاريخ بواقعة اول مسابقه لكرة القدم يشارك فيها نادى المختلط وهى كأس السلطان حسين .. الذى رفض النادي الاهلى المشاركه فيها لعدم اقتناعه بها .. لاكن " المختلط " رحب بالمشاركه على اعتبار انها تزيد شعبيته بين الجماهير من ابناء البلد .. وهو ما تحقق وعندما الاهلى ان شعبية المختلط في ازدياد بعد مشاركته في كأس السلطان حسين .. عدل موقفه الرافض للنقيض وشارك في المسابقه ابتداء من عام 1917 .

كما يسجل لنا ابراهيم جهينه تفاصيل واقعة ظهور اول ادارة مصريه لنادى الزمالك " المختلط " عام 1917 .. فيقول ان : رئيس المختلط في هذه الفتره كان مسيو بيانكى الفرنسى وسكرتارية البلجيكى " شودواه " وكان مجلس الاداره لا يجتمع الا نادرا ويديره بطريقه ارتجاليه حتى ان الجمعيه العموميه لم تنعقد لعدة سنوات وكان الحل هو زيادة عدد الاعضاء من المصريين لتكون لهم الغلبه عند عقد الجمعيه العوميه .. وبالفعل تم اجراء الانتخابات التى اتت بمجلس اداره من ابناء مصر وهم : د . محمد بدر "رئيسا" ومصطفي حسن " وكيلا " وابراهيم علام "جهينه " سكرتيرا عاما وعضوية كلا من نيقولا عرقجى ومحمود بسيونى وحسين فوزى و عبده الجبلاوى وكان هذا التشكيل بمثابة دعوه لاثارة الغضب والقلق من الاداره السابقه والتى فوجئت بما حدث .. فقام مسيو " شودواه " باخفاء سجلات النادي ليتم الابلاغ عنها .. ولكن النيابه قامت بالاستيلاء عليها وحفظتها لتقوم الاداره المصريه بعد ذالك باعداد سجلات جديده للنادي .. واتخذت قرارات مهمه للحفاظ على منشأت و ممتلكات النادي .. كان اطرف هذه القرارات تكليف 20 غفيرا من اقوياء الصعيد القاطنين بحى بولاق لحراسته وعدم السماح لاى اجنبى بالدخول الا ببطاقة عضويه جديده .. وبذالك نجح المصريون في تمصير المختلط
ودي نبذه بسيطه جدا عن نادي البطولات نادي الزمالك المرعب المخيف ولو عايز تاني يا مودي قولي كبير مشجعي الزمالك Very Happy

وعلي العلم يا مووودي .....

مع أحترامي ليك انا بحب النادي الاهلي بس متقنعنيش ان انت عارف اي حاجه عن بطولات الاهلي ولا الاهلي خد الدوري كام مرة عليك ان ان كل ما تشوفني تقولي أبو تريكه وبركات والاهلي iخد أحسن ثالث فرقه عن العالم ...
ما برضو الزمالك أخد أحسن فريق في العالم سنه 2002 لآن الزمالك في السنه دي أخد 6 بطولات ولعب 56 مباراه من غير هزيمة ولا الاعلام جاب سيره الموضوع د ولا حاجة وأول ما النادي الاحمر كسر رقم الزمالك في المباريات أتقالت في جميع الجرايد ... علشان تعرف ان الاعلام ده أهلاوي ده حتي الرئيس حسني مبارك أهلاوي عايز يبقي حال الاهلي ايه وحال الزمالك آيه وآنت فاهمني طبعا Very Happy

بس برضو في الاخر متقنعنيش أن أنت تعرف حاجه عن النادي الاهلي أو بمعني ( تعرف آنت آيه عن كرة القدم أساسا )

أنشر يا نجم ... وآجعل عامر Very Happy

تحياتي

ههههههههههههههههههههههههههه ماشى يا عم الزملكاوى انا يا عم مش ليا فى الكوره بس مش بحب الناس الى بتكدب انته بتقول نادى الزمالك المرعب المخيف ههههههههههههههههههه الكداب بيروح النار هههههههههه وكفايه اوى ان انته من 2002 بقولى السنه الى جايه الزمالك هيعمل وهيسوى ولحد دلوقتى 2009 مش عمل حاجه ولا نسيت هههههههههههه ان كنت ناسى افكرك وعلى فكره انا مش فرقه معايا كتير بس كفايا اوى ان الفرقه الى انته من اكبر مشجعيها وبتحبها مووت بقلها اكتر من 7 سنين حرقه دمك ورفعالك الضغط ههههههههههههه لول

طب عايز أسالك سؤال عايز تقنعني ان الفريق لوحده كده وصل لحاله السيئ ده من غير سبب معتقدش ....

اول حاجه الاعلام بتاعك كل ما يشوف مشكله واحده في الزمالك يكبلك في جميع الجرايد الزمالك حصل فيه بلاوي وحوداث وكوارث وبراكين والكلام من د Very Happy

عمرك سمعت عن مشكله موجوده في الاهلي والاعلام نشرا في اي صحيفه معتقدش ...
انما الزمالك بقي الاعلام متتوصي بيه كل شوية يألفولك حاجة مرة يقولولك لاعيبه الزمالك بينهم خلاف ومرة يقولك مستحقات لاعيبه الزمالك مش واخدنا ويعملولك قصه خرافيه ملهاش اي لزمة خالص أهم حاجه عندهم ان هما يعرفو الناس ان الزمالك خرباان وخلاص ومفيش اي حاجة خالص حصلت من الكلام ده ..

ساعت اما عمرو زكي شتم زاعوها وقالو لازم يتعاقب ولازم يعمل فيه بلاوي طب ما جوزية رفع جزمته علي الكاميره ومفيش حد عمله حاجة وحسام عاشور قال كلمه مش محترمه أطلاقا وزاعوها في التليفزيون ولا في حد عملو حاجة يبقي عايز تقنعني ان الزمالك بقي في الحال ده لوحده Wink

أنشر يا ريس ... وأجعله عامر Very Happy

يعنى هوه الزمالك فى الحاله الى هوه فيها ده بسبب الاعلام لول حجه البليد مسح التخته

يا عم هتلى لعيب واحد بيلعب عشان خاطر الفرقه ده لعيبه واداره مش بتحب النادى اصلا وكمان المفروض لو الزمالك زى ما انته بتقول يصلح من نفسه عشان يسبت للناس كلها انه مش كده لاء ده بيزيد فى كل حاجه وكمان يعنى هوه الاهلى المنافس الوحيد ليه الزمالك طب باقى فرق مصر راحت فين وليه الاعلام مش بيعمل معاها كده وعلى ما اعتقد ان دلوقتى مش انتو بس المنافسين للاهلى ليه بقا مش بيحصل كده مع الفرق التانيه لول عشان بس اعرفك ان انته عامل الى بيغرق ولقى أشايه يتعلق بيها لول انا انصحك تعتزل الكوره خالص لول

انشر يا ريس واجعله عامر Razz

:P:P

Feen ta7eyaty ya sparkes

تحياتي علي كلامك اللي مفهوش أقناع خاااالص يبني ما بالنسبه لباقي الفرق انا اتكلمت عن الموضوع ده قبل كدة مش زنبي بقي ان انت مش بتدخل مواضيعي وبتشوفها ثانيا علشان اثبتلك ان اعلام مصر اهلاوي .... الاعلام بقاله أكتر من اسبوع ونص مجابش اي سيره عن الزمالك خالص ولا بيقول فيه خلاافات ولا اي حاج ولا بيقولك فيه مشاكل في الادار ولا اي حاجة من الكلام ده وبص بقاله متشين بيكسب والحمدلله اوي متش كسب 4-2 ... وتاني ماتش كسب 2-1 والحمدلله طبعا ...
أما بالنسبه لباقي الفرق هتكلم عن الموضوع ده تاني وهقولك ان باقي الفرق عمرها ما هتكون زي الاهلي ولا الزمالك لآن خلاص السنه الجايه هيبقي فيه أكثر من 8 فرق من شركات ومصانع يبقي فين باقي باقي الفرق اللي في الدوري

وعلي العموم كويس أن أنت بتدافع عن ناديك علشان مستغرب أوي أزاي واحد ميعرفش حاجه عن الكورة بيتكلم

أنشر يا عم Wink

وأجعله عامر Very Happy

بص يبنى ماشى يا عم لاعلام اهلاوى ومصر كلها اهلويه وكل الناس مش بتحب الزمالك والاعلام كله جى عليه والرئيس كمان اهلاوى اشطه كل الكلام ده حلو خلاص انته ليه بقا قاعد فى مصر اصلا او بتشجع كوره اصلا يبنى الى يقول كلام لازم يبقى فاهم معناه الاول مش يقول كده وخلاص بما ان انته شايف ان مفيش كوره فى مصر خلاص بتشجع كوره ايه اصلا وتكون زملكاوى ايه اصلا لول