! Lo§T-LoVe !
المـــــــــديــــــــر
عدد الرسائل : 464
العمر : 38
السٌّمعَة : 1
تاريخ التسجيل : 03/06/2007
 | موضوع: اتعلموها بقي و اعرفو اللغة الجديده اخر روشنه  الأحد يناير 11, 2009 3:33 pm | |
| تعالوا اعرفوا اللى انتو مش فاهمينه
يبدأ اليوم عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى عبارة عن مكان غريب طبعا بيتجمع فيه الكل من بنات النادى أو الجامعة معظمهم بنات (( إستبن ))
يعنى غير أصحابهم الآساسيين وكل بنت لها المصطلح الخاص بها
يعنى لو البنت حلوه يطلق عليها (( أوكشة )) أو ((حتة))
(( شامبو )) يعنى ريحتها حلوة ومستحمية !!!
ولو البنت صغيرة يطلق عليها (( أووزى )) ولو كانت البنت الاجمل فى الشلة يطلق عليها
(( النتفة )) أما لو كانت قبيحة الشكل تبقى
(( صندل مقطوع أو ضاربها طبنجة )) ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))
ولو كانت لعوباً يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!
ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت بنت من مكان شعبى تسمــى
(( بيئة ))....
وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))
وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...
ولو الولد زهق (( اتخنق )) من البنت أو العكس يقولها (( سمعينى بودعك )) ....
وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( المو*** ))
الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى ))
يعنى انت لافف وداير وبتاع بنات .. ولو قالت (( سكامونى )) يعنى جميل و أمور ...(( ملسكوبيتش ))
يعنى بخيل ...
(( تس تس )) يعنى رزل وممل ... (( شامورتى )) يعنى خنييق ..
(( توت فروت )) مظهرجى ... (( خفشاوى )) غير واضح وهايف ... (( شنيش )) يعنى لامؤخذة هفأ .. !!!
ولو الولد تعبان فى المذاكرة يعنى (( جايب جاز والشراب هوى )) !!!
وأكثر مصطلحات متداولة هذة الايام
(( حطيت إيدى على البلف )) يعنى فهمت الموضوع !!!
(( أدعك الفانوس دلوقتى )) يعنى ممكن تمشى وترحل !!!
(( أرحلك )) أخرجك من الشلة !!
(( الجوند )) فلوس !!
(( مكيش القفف )) معاه فلوس كتير !!
(( يا صباح المظلات )) للمتقدمين للكليات العسكرية !!
(( فهمـى )) يعنى نفض وكبر الجمجمة !!!
(( أحلق )) طنش !!!
(( انت حتزاولنى )) انت حتشتغلنى !!!
(( مهييس )) عامل دماغ وطاير قووى !!!
(( يا صباح اللى بتغنى )) صباح الخير !!
(( يا مساء الليل )) يعنى يا مساء الخير !!!
(( فوكك )) سيبك من الموضوع دة !!!
(( أراك أمس )) يعنى مش عايز اشوفك تانى !!!
(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!
(( كل معرفتى بيه .. هاى باى )) يعنى مش صاحبى قوى !!!
(( شوليطى . موليطى )) يعنى مش معايا فلووس .. مفلس !!
ومن مصطلحات الاغانى المنتشرة بكثرة هذة الايام الاتى :
(( انا رايح ألعب مع روبى )) يعنى انا رايح الجيم !!!
(( تعالوا نحصل ماريا )) تعالوا نلعب شوية !!
(( انت بتقلد روبى ؟ )) يعنى بتخبى وبتدارى !!
(( أنت كدة تعجب بوسى سمير )) يعنى انت حطيت النقط على الحرووف
اي رأيكم يا شباب
حاجات إكسيكلوسف يا معلميييين
اتعلموا بقى اللغه | |
|
MoOoOoDy
نائب المدير
عدد الرسائل : 369
العمر : 124
السٌّمعَة : 1
تاريخ التسجيل : 12/02/2009
| | موضوع: رد: اتعلموها بقي و اعرفو اللغة الجديده اخر روشنه الجمعة فبراير 13, 2009 1:20 am | |
| اصلى يا برنس ايه اللعه الجامده ده بس على فكره فى مصطلحات فعلا احنا بنستخدمها بتلقائيه جدا ولا اكن الكلام ده عادى وبقا مفهوم جدا ولا اكنه من اساس اللغه العربيه او اللغه المصريه  على العموم اشطه عليك موضوع جامد مشكووور تحياتى ;-) | |
|
Hostage
عضو نشط
عدد الرسائل : 181
العمر : 36
السٌّمعَة : 0
تاريخ التسجيل : 25/02/2009
| | موضوع: رد: اتعلموها بقي و اعرفو اللغة الجديده اخر روشنه الأحد مارس 08, 2009 5:11 am | |
| ما احنا ماشين بي الكلام ده | |
|
